Нарăс уйăхĕн 21-мĕшĕ –Тĕнчери халăхсен тăван чĕлхе кунĕ. Ăна ЮНЕСКОн Тӗп конференцийӗн пуҫарӑвӗпе 1999 ҫултанпа паллӑ тӑваҫҫӗ. Пирĕн тăван чĕлхе-чăваш чĕлхи. Пин çул каяллах пирĕн мăн асаттесем чăвашла калаçнă, тăван чĕлхене ламран лама, йăхран йăха халалласа пынă, куç пек упраса пурăннă. Пĕтĕм тĕнчери тăван чĕлхе кунне халалласа 9 класра «Пирĕн тăван чĕлхе – чăваш чĕлхи» вăйă-урок иртрĕ. Чăваш халăхĕн кун-çулне, ĕçĕ-хĕлне, тум-тирне, апат-çимĕçне, культурине çутатса паракан ыйтусем пулчĕç. Уйрăмах ачасене тĕрлĕ йышши пуçватмăшсепе ребуссем килĕшрĕç. Вĕсен тупсăмĕсене хăвăртрах шыраса тупас тесе ачасем тăрăшса ĕçлерĕç. Ушкăнпа ĕçлесе хăйсен тавра-курăмне анлăлатрĕç. Ачасене пĕлмелли, халиччен илтменни нумай пулчĕ. Ăмăрту интереслĕ иртрĕ. Тӑван чĕлхе пуянлӑхĕшĕн, унӑн тасалӑхĕпе илемĕшĕн, пуласлӑхĕшĕн тӑрӑшар. Эпир те мăн асаттемĕрсен ятне ярар мар – тăван чĕлхене манар мар тесе вĕçлерĕç тăххăрмĕшсем.

Филиппова Н.К.,чăваш чĕлхипе литературине вĕрентекенĕ