Чăваш чĕлхи кунне халалласа Чăваш Республикин вĕренÿ институчĕ ака уйăхĕн 20-25-мĕшĕсенче «Эпĕ чăвашла калаҫатăп» акци ирттерет. Акцие чăвашла калаҫакан кирек кам та хутшăнма пултарать. Çак акцие вара 9-мěш класра вěренекенсем Иванова Л., Куприянова В., Рожкова Е.,Орлов Д . тата Яклашкина К. Митта Ваçлейěн «Тăван чěлхем! Таса хěлхем…» сăвăпа хутшăнма кăмăл турěç. Вěсене  видео ҫине ӱкерсе  #эпĕчăвашлакалаҫатăп хештегпа Интернетри хутшăну cĕтелĕсене (социаллă сетьсене) вырнаҫтарнă. Ку акцие Чайкин Алексейпе Козлова Мальвина та хастар хутшăнчěç. Çавăн пекех ака уйăхěн 22-мěшěнче Чăваш чĕлхи кунне халалласа диcтанциллě мелпе 5,3,7 классенче те тěрлě вăйă урокěсем иртрěç.3-мěш класра «Тупмалли юмахсемпе ваттисен сăмахěсене пěлетпěр-и?» текен вăйă-урок пулчě. Чи пултаруллисем шутěнче Мулакова С.,Скворцова П пулчěç.7-мěш класра вěренекенсем вара хăйсен çивěчлěхне чăваш чěлхипе çыхăннă ыйтусенче тěрěслерěç. Малтисен шутěнче вара Краснова В., Васильева Л., Мартынова А. пулчěç. Пиллěкмěшсем те питě тăрăшса ěçлерěç. «И.Я.Яковлев-чăваш халăхěн Улăпě» викторина урокра  Титова Т.,Малов М. чи пултаруллисем пулчěç. Апла пулсан чăвашлăх хěлхемě пур-ха пирěн ачасенче. Вěсем малалла  пултаруллă та хастар пуласса шанас килет.