Ватăсен кунĕ кăçал вырсарни кунпа тÿр килчĕ. Çумăр пĕрĕхкелесе тăчĕ пулин те çывăхра пурăнакан кинемей патне çитме,  уяв ячĕпе саламлама пĕрре те ÿркенмерĕ 6-мĕш класра вĕренекен Л.Михайлова. Илемлĕ чечек çыххи, ырă та çепĕç салам  сăмахĕсем ватă çын чунне çуллахи кун евĕр ăшăтрĕç. Ăшă сăмах  çу кунĕ тесе ахаль каламаççĕ çав. 80 çултан иртнĕ О.С.Белкова хĕр ачана тав турĕ, вĕренÿре ĕлкĕрсе пыма ырлăх-сывлăх сунчĕ.