Авӑн уйӑхӗн  5-мӗшӗнче шкул ачисемпе А.Г.Николаев космонавт ҫуралнӑ кунне ҫулсерен паллӑ тӑвасси йӑлана кӗнӗ.   Кӑҫал та саккӑрмӗшсемпе хамӑрӑн ентеш тӗнче уҫлӑхне пӗрремӗш вӗҫнӗренпе 55 ҫул ҫитнине палӑртса   Чӑваш патшалӑх оперӑпа балет театрӗнче савӑнӑҫлӑ уяв пулса иртнине, театр фойинче курав йӗркеленине,  «Манмӑпӑр 1962 ҫулхи август уйӑхне» ятпа ҫавра сӗтеле космонавтика тата обществӑлла организацисен ветеранӗсем хутшӑннине вуласа пӗлтӗмӗр.  Хӑй ҫуралнӑ ялта   «Пирӗн Андриян» кинокаҫ ирттерни ҫинчен пӗлтӗмӗр. А.Г.Николаев ӗҫӗ-хӗлӗ, пурнӑҫӗ пирӗн республикӑшӑн пысӑк пӗлтерӗшлӗ пулни ҫинчен калаҫрӑмӑр, ӑна халалланӑ кӗнекесемпе паллашрӑмӑр, презентации пӑхрӑмӑр, викторина ирттертӗмӗр. «Эпир хамӑрӑн кӑйкӑрпа мухтанатпӑр, унран тӗслӗх илетпӗр»,- терӗҫ саккӑрмӗшсем.