Çурхи çанталăк пурне те сыхă пулма хистет. Юр-пăр ирĕлсе кайнă вăхăт хăй асăрхануллă пулма хушать, çул çийĕсенче те  тĕрлĕ транспорт иртнĕ чух чупса-васкаса каçма юраманнине пĕлесси, пушар хăрушлăхĕ те питĕ пысăк тимлĕх ыйтать. Çавна май класс сехетĕнче çиччĕмĕшсемпе «Çурхи вăхăт – тимлĕ пулăр» калаçу ирттертĕмĕр. Ку хутĕнче ытларах пушар хăрушлăхĕ çинчен пычĕ сăмах.  Пушар çынна калама çук пысăк инкек кÿнине,  чылай чухне çак инкекрен сыхă, тимлĕ пулса хăтăлса юлма май пуррине те пĕлчĕç ачасем.

                                                                                                                                                                                                                                                                                                                                                                                                                                                                                                                                                                                                                                                                               Вутпа ан выля - вăйăран вăкăр тухать», «Электричество – ырлăх, усă курма пĕлмесен – хурлăх», «Вутăн алли те, ури те вăрăм», «Хĕрлĕ автан пĕтĕм яла вĕçсе çаврăнать» тата ытти ваттисен сăмахĕсене асра тытса инкекрен асăрханассине пуçа чикрĕç ачасем. Калаçу хыççăн «Ачасем тата вут-кăвар» анкета тултарчĕç çиччĕмĕшсем. Юлашкинчен  кашни ыйтăвĕпе тишкерÿ турăмăр.

    Енчен те чрезвычайлă лару-тăрăва лексен, «101» е «112» номерсемпе телефонпа шăнкăравлама кирлине ас тутартăм.