Час-часах çула тухса çÿреççĕ  Чутей шкулĕнче вĕрентекенсемпе вĕренекенсем. Ку хутĕнче шкул автобусĕн ĕçчен водителĕ В.А.Волков 5-7-мĕш классенчи ачасен ушкăнне  Тăвайне илсе çитерчĕ. Чи малтанах  Л.Г.Краснова тата Л.А.Михайлова класс ертÿçисем ачасене краеведени музейне илсе кĕчĕç. Музей директорĕ Светлана Архиповна пурне те  ăшă кăмăлпа кĕтсе илчĕ . Тĕрлĕ пÿлĕме кĕрсе  курчĕç ачасем, выставкăсемпе, экспонатсемпе паллашрěç.  Уйрăмах вěсене Кивĕ Пуянкасси ялĕнче пурăнакан Павлов Юрий Иванович  шăрпăкран ăсталанă экспонатсем килĕшрĕç. Тĕлĕнмелле кăткăс ĕç! Сергеева экскурсовод П. М.Меркурьев ÿкернĕ  диорама  умĕнче каласа панине ачасем сывламасăр тенĕ пек итлерĕç. 75 çул каялла  блиндаж окоп чавса инçе  çул туни çинче чарăнса тăчĕ вăп. Çав вăхăтра  хĕрарăмсем Мария Васильевна Сорокинан (Тенеялĕнче çуралнă, халĕ Тăвайĕнче пурăнать), Валентина Ильинична Александрован (Вăрманхĕрринче çуралнă, халĕ Çĕнĕ Шупашкарта пурăнать) хěллехи шартламана пăхмасăр вăй хуни çинчен калакан çырăвěсем те  пăлхантарчěç  ачасене.

     Музейран тухсан пурте «Аль» ФСКана бассейна çул тытрĕç. Шывра ишме пĕлекенсен йышĕ хутшăнсах пыни вĕрентекене те савăнтарать. Тренажер залĕнче  сывлăха çирĕплетекенсем пулчĕç. Çулçÿрев кашни ачашăн питĕ усăллă пулчĕ.