Пуш уйăхěн 2-мěшěнче  «Тăван чěлхе илемě» кружок ачисемпе пилěк урок хыççăн кушаксен кунне паллă ял вулавăшне каçрăмăр. Матвеева Н  библиотекарь вырăс твтв чăваш çыравçисем кушаксем çинчен хайланă кěнекесен выставкипе паллаштарчě, кушаксем çинчен ваттисен сăмахěсемпе сăнанисем туптарчě. Библиотекарь ирттернě викторина та  ачасемшěн кăсăклă пулчě. Çавна май вěсем Ева Лисинан «Мускав кушакěсене чапа кăлартăм» хайлавěнчи Аттуса аса илчěç, ăна характеристика пачěç. Юмахсенчи, мультфильмсенчи персонажсене те ачасем çăмăллăнах тупрěç.  Хăйсем ÿкернě ÿкерчěксем тăрăх калаçрěç, чĕр чунсене юратмаллине тата упрамаллине  çирěплетрěç.

    Икĕ ушкăна пайланса кроссвордри сăмахсене хăвăрт пĕлессишĕн тупăшрĕç. Илемлĕ литература хайлавĕсенчи кушаксен сăнарĕсене пĕлесси те интереслĕ пулчĕ. Ачасем хăйсемпе пĕрле Лидия Саринен «Наçтукпа Мухтар,  Н.И.Полоруссов-Шелепин «Кушакпа автан», Г. Матвееван «Кушакпа çерçи»,  «Хăмăркка», Ю Мишшин   «Кашнине  эп юрататăп» кĕнекисене суйласа илчĕç.