Чутей шкулĕн ачисем «Р.В.» конкурса хутшăннă май  çимĕк уявĕн йăлине суйларĕç. Унта 5-8 -мĕш класс ачисем хутшăнчĕç, шкул ачисен умĕнче вылярĕç. Уяв йăли-йĕркине кăтартма Шерне Евгения, Цырульников Станислав, Куприянова Валерия, Козлова Мальвина, Михайлова Елена, Мясникова Ксения хастаррăн хутшăнчĕç. Çимĕк уявĕнчи ачасем тĕрлĕ вăйă вылярĕç, вăйă юррисем юрларĕç, такмакласа ташшине те яра пачĕç. Асламăшĕпе мăнукĕ рольне вылякансем те куракансене килĕшрĕç.

«Çамрăк артистсене» уяв хăйсене те питĕ килĕшнĕ, татах та выляма хатĕрри палăрчĕ. Чăвашлăх малаллах аталанать.