Черетлĕ класс сехетне   «Раҫҫей тата Чӑваш Патшалăх символĕсем» ятпа ирттертĕмĕр. Улттӑ  тата ҫиччӗмӗш класра   вĕренекенсем пӗрлешсе   чи малтанах   патшалӑх гимнӗсене  итлерӗҫ.  Патшалăх символĕсем çинчен мультимедийлă презентаци пăхрӗҫ. Ун хыҫҫӑн презентаципе килӗшӳллӗн  хатӗрленӗ ыйтусем ҫине ӑмӑртуллӑн хуравларӗҫ. Краснова Л.Г. ертсе пынипе  символ паллисене  тӗрлӗ материал ҫине ӳкерсе  ӑсталарӗҫ  ачасем: Раҫҫей тата Чӑваш  ялавӗпе  герб формисене гофри хутӗнчен тата тӑварлӑ чустаран турӗҫ . Хӑйсен ӗҫӗсемпе савӑнса гимн юррине ӗнӗрлесе ларчӗҫ. Жюри членӗсем ачасен ӗҫӗсене хакланӑ хыҫҫӑн пӗрремӗш  вырӑна -  Куприянова Лера,  иккӗмӗш вырӑна  -  Цырульников Станислав, виҫҫӗмӗш вырӑна  Самарин Данилпа Рожкова Евгения йышӑнни палӑрчӗ.