Чутей шкулĕн коллективĕ ĕçлеме çеç мар, туслăн канма та пĕлет. Инçе çула тухса çÿреме йывăртарах пирки Тăвайне тĕп хуларан килекен артистсене кайса курма кăмăллани куç кĕретех. Ака уйăхĕн 19-мĕшĕнче пурте пĕрле пуçтарăнса çирĕм иккĕн çула тухрăмăр.

      Центрти культура çуртĕнче халăх та йышлăччĕ. Шупашкар хăнисем Стас Владимиров, Саша Арсентьев, Альбина Пăрчăкан хăйсен янăравлă сассипе тыткăнларĕç. Чăвашла, вырăсла юрăсем шăрантарчĕç вĕсем. Стас Владимиров купăспа выляса куракансене те ташлаттарчĕ. Артистсем куракансен кăмăлне кайрĕç. Концерт вĕçленсен халăх тăвăллăн алă çупса тав турĕ.