Сисĕнмесĕрех шăвать вăхăт, çуркуннен пĕр уйăхĕ иртсе те пырать. Шăп кайăк-кĕшĕкпе туслашмалли тапхăр: вĕсем валли çĕнĕ вӗллесем хатĕрлемелле, чуна савăнтаракан çепĕç юррисене итлемелле. Çавăнпа пĕрлех çут çанталăк паракан илеме куçпа сăнама, хаклама, унăн пурлăхне упрама пĕлмелле.            Шăпах çав тĕллевпе  иртнӗ эрнере Чутей шкулӗнчи  5- 6-мĕш классенче вĕренекен /12 ача/  Тăвайри краеведени музейне çул тытрĕç . Вĕсене  /тата шăпах Мучар шкулĕнчи ачасем килсе çитнĕччĕ/ С.Сергеева музей директорĕ ăшă кăмăлпа кĕтсе илчĕ. Вăл хаваспах  пÿлĕмсенчи экспонатсемпе паллаштарчĕ. Ачасене кайӑксен куравӗ /60 тĕрлĕ кайăк/  çуллахи вăрмана, уй-хире илсе ҫитерчĕ.

    «Пирӗн тӑрӑхри кайӑксем» курав апрелӗн 29-мӗшӗччен ӗҫлет.

Л. Михайлова, Чутей ялĕ