Раççей Федерацийĕн Президенчĕн указĕпе килĕшÿллĕн 2016 çул Ӗç çынни çулталăкĕ шутланать. Ĕç пĕлтерĕшĕ çинчен ял библиотекинче пиллĕкмĕшсемпе ирттернĕ урок та ачасемшĕн усăллă пулчĕ тесе шутлатăп. Пире кунта Е.И.Васильева  Ĕç çынни çулталăкне халалланă «Ĕç çынна илем кÿрет» кĕтеспе паллаштарчĕ.

    Тĕл пулура ачасем хăйсем вуланă Мария Ухсайăн «Ирхи сывлăм», Иван Егоровăн «Ывăл» хайлавĕсем тăрăх çуралнă шухăшĕсемпе пайланчĕç, ваттисен сăмахĕсем тупрĕç. Ĕçпе çеç пурнăçа илемлĕ тума пултарни çинчен  калаçрĕç, тĕслĕхсемпе çирĕплетрĕç. Ачасем библиотекăна çÿреме яланах хавас.