Шкул пуçлăхěн сăмахě саккун тенě евěр, пурте пěршухăшлă пулса Шупашкартан килсе çитнě чаплă артистсен концертне курма çул тытрăмăр кěçнерни каç. Шкулта вăй хуракансене виçě ялтан  пуçтарса  В. А. Волков водитель кăмăллă илсе çитерчě. Виталий Сергеев артист концерта питě вирлě ертсе пычě. Залра ларакансене пěрре те кичем пулмарě. Мěн тěрлě шÿт, кулă, юрă, кěвě парнелемерěç-ши  артистсем? Хěрарăмсене халалланă уявра  палпах  Ольга Лукова юрăçăн сасси,  юрри тыткăнларě.ларакансене. Михаил Федоровпа Василий Раймов шăрантарнă юрăсем те куракансен кăмăлне кайрě.