Часах Аннесен кунě çитет. Çавна май шкулта кашни класрах тěрлě мероприяти иртет. Аннесене халалласа класс сехечěсем, çыру ěçěсем, вăйă евěрлě ăмăртусем ирттеретпěр, альбомсем тăватпăр, презентации хатěрлетпěр. Ĕç урокěсенче Л.Г.Краснова ертсе пынипе 5-7-мěш вěренекенěсем чи маттуррисем пулчěç. Хěрачасем тěрлě эрешсем туса илемлě япаласем тěрлě мелпе крокус, роза, тюльпан тата ытти чечексем те турěç. Вěсене вырнаçтарма  вазăсем хатěрлерěç. Арçын ачасем амăшěсене валли тěпелте ěçлемелли хатěрсем,  тумтир çакмалли  çÿлěксем,  кирлě япаласем ăсталарěç. Чаплă ěçěсене шкулти курава вырнаçтарчěç. Кěçěн класс ачисем те тăрăшсах хутшăнчěç аннесене халалланă уява. Аннесене упрар – вěсем  пире пурăнăç параканěсем.