Чăвш Республикинче  юпа уйăхěн 15-мěшěнчен тăван тавралăха таса та тирпейлě тытас тěлěшпе „Бумажный бум” проект вăя кěнě.

      Чутей шкулěн библиотекарě Н.К. Филиппова  кěрхи каникул вăхăтěнче „Кивě хута - иккěмěш пурнăç” акцие хутшăнас ыйтупа  шкул ачисемпе учительсене  хăй патне пуçтарчě. Çěршывшăн усăллă ěçе пурте активлă пуçăнчěç, вěренме юрăхсăр кěнекесене пуçтарса  шпагатпа тирпейлěн çыхса хучěç. Вěренÿ пÿлěмěсенчи кивě кěнеке-тетрадьсене те  пěр çěрелле пуçтарчěç. Пуçтарăнса пынă кивě хута ăсатмалли вăхăтне кěтетпěр.