Ваттисен кунне халалланӑ уява Чутейри вӑтам шкула асатте – асаннесем, кукаҫикукамайсем чылайӑн пуҫтарӑнчӗҫ. Ватӑ ҫынсене саламлама район администраци пуҫлӑхӗн ҫумне В.В.Чайкина сӑмах пачӗҫ. Вӑл ватӑсемпе ӑшпиллӗн калаҫса районӑн ырӑ хыпарӗсемпе паллаштарчӗ, хуҫалӑхсенче кӗрхи ӗҫсене пуҫтарни ҫинчен каласа кӑтартрӗ. Ватӑсене яланах чипер ҫӳреме, сывлӑхлӑ пулма, ҫапла пуҫтарӑнса пӗр-пӗринпе савӑнма, канӑҫлӑ ватлӑх сунчӗ. Уява сценари тӑрӑх йӗркелесе 9-мӗш класри  Настя Колотушкинапа Никита Кошкин ертсе пычӗҫ. Шкул ачисем хатӗрленӗ сӑвӑ-юрӑ, ташӑ, сценкӑсем пуҫтарӑннӑ ырӑ чунлӑ ҫынсене питӗ килӗшрӗ.

     Халӑх хушшинче ырӑ ӗҫсемпе палӑрнӑ ватӑсене, юбилярсене саламласа парнесемпе, грамотӑсемпе чысларӗҫ. Концерт хыҫҫӑн пурте шкул столовӑйне чей ӗҫме пуҫтарӑнчӗҫ. Уяври ватӑсем тулли кӑмӑлпа юлчӗҫ.