Чӑваш чěлхи эрнинче планпа палӑртнӑ мини –концерт пулчě. Унта пěрремěш класри  хěр пěрчисем «Асамат кěперě» юрра янӑраттарчěҫ. Ҫак класранах Козлова Мальвина «Тавах атте-анне» юрра питě хумхануллӑн юрласа пачě.  Иккěмěш класри ачасем те хастаррӑн хутшӑнчěҫ ку уява.  Куприянова Валерия «Пукане», Михайлов Алексей «Юрри лайӑх-и?», Орлов Дмитрий «Упа» юрӑсене чун-чěререн шӑрантарчěҫ. Чӑваш чěлхи уявě ташӑпа та пуянланчě. «Линька-линька» ташша  тӑваттӑмěш класс хěр ачисем кӑтартса пачěҫ.

Улттӑмěш класра вěренекенсем Стихван Шавли  ҫырнӑ «Вěҫкěн Ваҫҫа», Альбина Никитинан «Виҫ хěрарӑм – пěр пасар» инсценировкӑсене илемлěн выляса пачěҫ. «Вӑррӑн ҫěлěкě ҫунать» сценкӑна 8-мěш класри Волков Алексей, Петров Евгений, Походкина Татьяна, Шоркина Лидия ӑста вуласа пачěҫ. Концерт хаваслӑ иртрě, пур куракан та кӑмӑллӑ юлчěҫ.